Qyzylordada jyl basynan beri 87 toı toqtatyldy

QYZYLORDA. QazAqparat - Qyzylorda qalasynda monıtorıng top músheleri jyl basynan beri 87 toıdy toqtatty, dep habarlaıdy QazAqparat tilshisi.

Oblys ortalyǵynda qurylǵan monıtorıngtik top quramyna qalalyq polıtsııa basqarmasynyń ýchaskelik polıtsııa ıspektorlary engizilgen.

Monıtorıng top músheleri kúndelikti saýda nysandary, oıyn-saýyq oryndary, restorandar men kafelerde túsindirme jumystary úzdiksiz júrgizilýde. Top quramyna basqarmanyń 16 ýchaskelik polıtsııa ınspektorlary bekitilgen.

«Jyl basynan karantın talaptaryna baılanysty 5710-nan astam nysandar aralandy. Onyń ishinde tártipti saqtamaǵan 306 quqyq buzýshylyq anyqtalǵan. Olardyń 87-i toı bolsa, qalǵany -jekelegen nysandar. Anyqtalǵan kemshilikterge baılanysty oǵan jol bergen azamattardy jaýapkershilikke tartý maqsatynda qujattar sanıtarlyq-epıdemıologııalyq departamentine joldanyp, olardyń 159-na shara kórildi», - dep málim etti Qyzylorda qalalyq polıtsııa basqarmasynan.

Qyzylorda oblysynda jyl basynan beri 12609 adam koronavırýs juqtyrdy

Eske salsaq, Qyzylorda oblysynda jyl basynan beri 12609 adam koronavırýs juqtyrdy .