Qyzylordada jyl basynan beri 4 642 adam koronavırýs juqtyrdy
2020 jyldan beri oblysta koronavırýs ınfektsııasyn juqtyrýdyń 24076 jaǵdaıy tirkeldi. Olardyń basym kópshiligi (65 paıyz) klınıkalyq belgisimen anyqtalǵan. Naýqastardyń 14 paıyzy 2020 jyly esepke alynsa, 67 paıyzy (16042 adam) byltyr belgili boldy.
Pandemııa bastalǵannan beri tirkelgen derekterdiń 17 paıyzy 18 jasqa deıingi azamattardyń úlesinde bolsa, 15 paıyzyn 14 jasqa deıingi balalar quraıdy. Al 1 jasqa deıingi sábılerdiń úlesi - 4 paıyz.
«Bıylǵy jyldyń basynan 4 642 adam koronavırýs juqtyrǵan. Qazir oblysta koronavırýs ınfektsııasynyń epıdemıologııalyq ahýaly turaqty. Epıdahýaldy baǵalaý matrıtsasynda Qyzylorda oblysy 4 aqpannan bastap «jasyl» aımaqta tur.
Sońǵy táýlikte koronavırýs ınfektsııasy Qyzylorda qalasynyń 3 turǵynynan anyqtaldy. Búgingi kúni belsendi oshaqtar sany - 70, onyń ishinde úı oshaǵy - 54, al uıymdasqan ujymdardaǵy oshaq sany - 16», - dep málim etti oblystyq Sanıtarııalyq-epıdemıologııalyq baqylaý departamentinen.
Eske salsaq, Qyzylordada bıyl 157 adam úıde oqshaýlaný tártibin buzǵany anyqtaldy.