Qyzylordada jyl basynan beri 248 órt oqıǵasy tirkeldi

QYZYLORDA. QazAqparat - Qyzylorda oblysynda jyl basynan beri 248 órt oqıǵasy tirkeldi. Bul ótken jylǵy uqsas kezeńmen salystyrǵanda 21,6% kóbeıgen, dep habarlaıdy QazAqparat tilshisi.

Bıylǵy jyldyń 6 aıynda oblys boıynsha 248 órt oqıǵasy tirkeldi. Ol 2022 jyldyń uqsas kezeńinde 204 órtti quraǵan edi. Saldarynan órt oqıǵasy 21,6% kóbeıgeni belgili boldy.

«Órt saldarynan kelgen materıaldyq shyǵyn 100 mln teńgeden asady. Órt oqıǵasynan 3 adam qaza bolsa, 3 adam jaraqat aldy.

Tirkelgen 248 órt oqıǵasynyń kópshiligi turǵyn úı sektorynda bolǵan. Olardyń sany 134 órtti quraıdy. Al órttiń 62-i avokólikte bolsa, nysandarda 18 órt jaǵdaıy tirkeldi.Al orman qorynda 21 órt oqıǵasy boldy. Bıyl dala órti tirkelgen joq», - dedi Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada 425 sharshy metrdi quraıtyn karaoke klýby órtenip ketti.