Qyzylordada jyl basynan beri 15 adam sýǵa batyp ketti
Aıta keteıik, jyl basynan beri sý aıdyndarynda 15 adam qaza bolǵan. Olardyń arasynda 9-y kámelet jasqa tolmaǵandar. Byltyr dál osy kezeńde 12 adam kóz jumsa, olardyń 4-i bala bolatyn. Al byltyr jyl boıyna jergilikti turǵyndar 39 jaqyn adamynan aıyryldy (olardyń 11-i bala ).
«Bıyl atalǵan jaǵdaıda qaza bolǵan azamattardyń 3 (2-i kámeletke tolmaǵan) sýǵa shomylý ýaqytynda (2-i kámeletke tolmaǵan) qaza tapty. Al 2-i balyq aýlaý kezinde, 1-i qaıyqtan qulady, 9-y jazataıym oqıǵa (onyń ishinde 7-i kámeletke tolmaǵan) saldarynan ómirden ótti», - dedi oblystyq jumyldyrý daıyndyǵy basqarmasynyń basshysy Medet Ýsaın.
Onyń aıtýynsha, negizgi sebepteri retinde balyq aýlaý kezindegi abaısyzdyq, sý aıdyndarynda qaýipsizdik sharalaryn saqtamaý jáne balalardy ata-analarynyń qaraýynsyz qaldyrý sekildi jaǵdaılardy atap ótýge bolady.
«Qaýipsizdik sharasyna mán bermeıtinder azaımaı otyr. Ókinishke qaraı, onyń sońy qaıǵyly jaǵdaımen de aıaqtalyp jatady. Sýǵa ketý faktileri, negizinen, mas kúıinde shomylý, sýǵa shomylý kezinde balalardy qaraýsyz qaldyrý jáne qaýipti nemese tyıym salynǵan aýmaqta sýǵa shomylýdyń saldarynan bolady. Sondyqtan abaı bolyńyzdar. Balalardy kózden tasa jibermeńizder», - dedi basqarma basshysy.
Eske salsaq, budan buryn Qyzylordada eki bala Syrdarııaǵa batyp ketti.