Qyzylordada «Jomart júrek» baıqaýynyń jeńimpazdary marapattaldy
Atalǵan shara barysynda qalanyń qoǵamdyq-saıası ómirine belsene aralasyp, áleýmettik-ekonomıkalyq damýyna erekshe úles qosqan birqatar azamattarǵa laıyqty qurmet kórsetildi. Qyzylorda qalasynyń ákimi Nurlybek Nálibaev muqtaj jandarǵa kómek qolyn sozǵan darhan peıil, keń júrekti azamattarǵa jergilikti turǵyndar atynan rızashylyǵyn jetkizdi.
«Jomart júrek» syılyǵy bes nomınatsııa boıynsha tabystaldy.
Baıqaýdyń «Týǵan ólke» atalymy boıynsha «Sát-Servıs» JShS dırektory Roza Imanova marapattaldy. Kásipker oblys ortalyǵynyń kórkeıýine úlken úles qosyp keledi. Qyzylorda qalasyndaǵy kópqabatty 10 turǵyn úıge kúrdeli jóndeý júrgizdi. Kásipker qaıyrymdylyq sharalaryna belsene qatysyp júr.
Al baıqaý boıynsha «Jyl tulǵasy» nomınatsııasy boıynsha marapat belgili kásipker Qanat Boranbaevqa tabys etildi. Ol karantın ýaqytynda qaıyrymdylyq isin jalǵastyrdy. Qalalyq aýrýhana qyzmetkerlerin óziniń basqarýyndaǵy «Qyzylorda» qonaq úıine tegin ornalastyryp, qajetti turmystyq zattarmen qamtamasyz etti.
Sondaı-aq,«Jyl metsenaty» atalymy boıynsha indet ýaqytynda turǵyndarǵa 15 myńǵa jýyq tegin betperde taratqan «Dalatex» JShS dırektory Dilmuhamed Abızov jeńimpaz dep tanylsa, «Jyldyń úzdik uıymy» nomınatsııasy boıynsha «El-Araı» qoǵamdyq qory laıyqty dep tabyldy. Qoǵamdyq qor jyl saıyn 1000 otbasyn azyq-túlikpen, 2000 otbasyn kıim-keshekpen, 100 otbasyn kómirmen qamtamasyz etip keledi.
Qoǵamdyq qor «Delıýks» kompanııasymen birigip, 10 myń dana maska, «Shuǵyla» qoǵamdyq qorymen birlesip óńirdegi aýrýhanalarǵa 200 ottegi kontsentratoryn alyp bergen.
Baıqaýdyń «Eren eriktilik» nomınatsııasy boıynsha qoǵam belsendisi Dınara Eshatovaǵa marapattaldy. Ol sport salasynda volonter-úılestirýshi boldy.
Aıta ketsek, budan buryn qyzylordalyq kásipkerlerdiń muqtaj otbasylarǵa qol ushyn sozǵandyǵy habarlanǵan bolatyn.