Qyzylordada joldyń taıǵaqtyǵynan júk kóligi aýdarylyp qaldy
00:29, 07 Jeltoqsan 2021
QYZYLORDA. QazAqparat - Qyzylorda oblysynda aýa raıynyń qolaısyzdyǵynan júk kóligi men jeńil kólikter joldan shyǵyp ketip, aýdarylyp qaldy, dep habarlaıdy QazAqparat tilshisi.
Oqıǵa Qarmaqshy aýdanynda aýdany aýmaǵynda «Shymkent-Samara» tas jolynyń boıynda boldy. Aýdanǵa qarasty Elshibaı beketiniń tusynda joldyń taıǵaq bolýynan júk kóligi men jeńil kólikter joldan shyǵyp ketip, aýdarylyp qalǵan.
«Júk kóliginiń ıesi Tájikstannyń 35 jastaǵy azamaty Abdýsattor Abdýkarımov ekeni anyqtaldy. Ol ózi basqaryp kele jatqan «Mercedes-Benz» júk kóligimen joldan shyǵyp ketken. Oǵan Qarmaqshy aýdandyq polıtsııa bóliminiń qyzmetkerleri kómekke keldi. Tájikstandyq júrgizýshi polıtseılerge alǵysyn bildirdi», - dep málim etti Qyzylorda oblystyq polıtsııa departamenti baspasóz qyzmetinen.
Eske salsaq, budan buryn Qyzylordalyq polıtseı otqa oranǵan úıden gaz ballonyn alyp shyqty.