Qyzylordada jol-kólik oqıǵasynan 1 adam kóz jumyp, 2 adam aýrýhanaǵa jetkizildi

QYZYLORDA. QazAqparat - Qyzylorda qalasynda jeńil avtokólik joldy belgilenbegen jerden kesip ótpek bolǵan jaıaý júrginshilerdi qaǵyp ketti. Olardyń 1-ýi oqıǵa ornynda kóz jumsa, 2-ýi aýrýhanaǵa jetkizildi, dep habarlaıdy QazAqparat tilshisi.

Oqıǵa 5 maýsymda túngi ýaqytta Qyzylorda qalasyndaǵy Abaı dańǵyly men Esenov kóshesiniń qıylysynda bolǵan.

«Jeńil avtokólik joldy belgilenbegen jerden kesip ótpek bolǵan jaıaý júrginshilerdi qaqqan. Oqıǵa saldarynan 1 adam oqıǵa ornynda qaıtys bolyp, 2 adam aýrýhanaǵa jetkizildi.

Atalǵan derek Sotqa deıingi tergep-tekserý biryńǵaı tizilimine QR Qylmystyq kodeksiniń 345-babynyń 3-bóligimen tirkeldi. Sot saraptamalary taǵaıyndaldy. Sotqa deıingi tergep-tekserý áreketteri júrgizilýde», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda júk kólikteri soqtyǵysyp, bir adam qaza boldy.