Qyzylordada jol-kólik apatynan 2 adam oqıǵa ornynda kóz jumdy

QYZYLORDA. QazAqparat - Qyzylorda oblysynda jol-kólik apatynan eki adam oqıǵa ornynda kóz jumdy, dep habarlaıdy QazAqparat tilshisi.

Oqıǵa búgin, 12 naýryzda «Batys Evropa - Batys Qytaı» tas jolynyń Shıeli aýdany Sulýtóbe eldi mekeni tusyndaǵy aýmaǵynda boldy. Eki jeńil avtokólik soqtyǵysyp, 2 adam oqıǵa ornynda qaza boldy.

Atalǵan derek boıynsha QR Qylmystyq kodeksiniń 345-babynyń 4-bóligi boıynsha sotqa deıingi tergep tekserý áreketteri júrgizilýde. «Onda avtomobıldi basqaratyn adamnyń jol júrisi qaǵıdalaryn buzyp, abaısyzda eki nemese odan da kóp adamnyń ólimine ákep soǵý jaǵdaıy kórsetilgen. Bul boıynsha tıisti sot saraptamasy taǵaıyndaldy. Oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentinen.

Eske salsaq, Qyzylordada adam qaǵyp óltirgen polıtsııa qyzmetkeri ustaldy.