Qyzylordada jol boıynda toqtatylǵan kólikten sholaq myltyq pen esirtki tárkilendi

QYZYLORDA. QazAqparat - Qyzylorda oblysynda jol boıynda toqtatylǵan kólikten sholaq myltyq jáne patrondar, eki kelige jýyq esirtki tárkilendi, dep habarlaıdy QazAqparat tilshisi.

Qyzylorda oblysy polıtsııa departamenti esirtki qylmysyna qarsy is-qımyl basqarmasynyń qyzmetkerleri «Shymkent - Samara» tas jolynyń Syrdarııa aýdany N. Іlııasov aýyly tusynda jol erejesin buzǵan «Lada» avtokóligin toqtatqan.

«Tekserý barysynda kólikten 1 uńǵyly, 12 kalıbrli «MR-155» sholaq myltyq, 4 patron jáne paketterge salynǵan jasyl tústi zat anyqtaldy. Avtokólik rólindegi 27 jastaǵy júrgizýshi jáne 30 jastaǵy jolaýshynyń Qyzylorda oblysynda turatyny belgili boldy. Kúdiktiler ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha QR Qylmystyq kodeksiniń 296-baby 4-bóligimen sotqa deıingi tergep-tekserý áreketteri júrgizilip jatyr. Onda asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý jaǵdaıy kórsetilgen.

Eske salsaq, budan buryn Qyzylordada mal urlyǵymen aınalysqan 37 qylmystyq top qolǵa tústi.