Qyzylordada joǵalyp ketken jasóspirim aman-esen tabyldy

QYZYLORDA. QazAqparat - Qyzylordada eki kún buryn joǵalyp ketken 14 jastaǵy jasóspirim qyz aman-esen tabyldy, dep habarlaıdy QazAqparat tilshisi.

21 sáýirde 14 jastaǵy jasóspirim qyz túngi 21:30 shamasynda úıinen belgisiz baǵytqa shyǵyp ketken. Sodan keıin úıine qaıta oralmaǵan. Bul jóninde jasóspirim qyzdyń anasy Qyzylorda qalalyq Polıtsııa basqarmasyna habarlasty. Alǵashqyda otbasy músheleri ózderi izdestirý júrgizedi. Odan esh kátıje shyqpaıdy. Olar polıtsııa kómegine júginedi.

«Joǵalǵan jasóspirimdi tabýǵa basqarmaǵa qarasty Aqsaı polıtsııa bólimi búkil jeke quramy men ıývenaldy polıtsııa bólimshesiniń qyzmetkerleri jumyldyryldy. Keıin 14 jastaǵy jasóspirim qyz oblys ortalyǵynan tabyldy»,

- dep jazylǵan basqarma taratqan habarlamada.

Eske salsaq, budan buryn mal satyp alýǵa ketken Qyzylorda turǵyny 2 aıdan beri izdestirilýde ekenin habarlaǵan edik.