Qyzylordada jeńil kólik 17 jastaǵy jasóspirimdi qaǵyp ketti
02:35, 02 Qarasha 2021
QYZYLORDA. QazAqparat - Qyzylordada jeńil kólik ıesi jaıaý júrginshiler jolynda 17 jastaǵy jasóspirimdi qaǵyp ketti, dep habarlaıdy QazAqparat tilshisi.
Oqıǵa búgin, 1 qarashada Abaı dańǵyly men Panfılov kóshesi qıylysyndaǵy jaıaý júrginshiler jolynda boldy.
«Oqıǵa barysynda Toyota Camry avtokóligin basqaryp kele jatqan 54 jastaǵy júrgizýshi jaıaý júrginshiler ótkelinen ótip bara jatqan 17 jastaǵy jasóspirimdi qaǵyp ketken. Júrgizýshige qatysty QR Ákimshilik quqyq buzýshylyq týraly kodeksiniń 610-babynyń 2-bóligimen ákimshilik hattama toltyryldy», - dep málim etti Qyzylorda qalalyq polıtsııa basqarmasynan.
Vedomstvo málimetinshe, jaıaý júrginshige alǵashqy medıtsınalyq kómek kórsetilip, aýrýhanaǵa jetkizilgen.