Qyzylordada jeltoqsanda joǵalǵan 16 jasar qyz elordadan tabyldy

QYZYLORDA. QazAqparat - Qyzylorda oblysynda jeltoqsan aıynda joǵalǵan 16 jastaǵy qyz elordadan tabyldy, dep habarlaıdy QazAqparat tilshisi.

Ótken jyldyń jeltoqsan aıynda Qyzylorda qalasynyń turǵyny tarapynan 16 jastaǵy qyzynyń úıinen sabaqqa shyǵyp, qaıta oralmaǵany jóninde habarlama túsken.

Oblystyq polıtsııa departamentiniń jeke quramy izdestirý sharalaryn júrgizdi.

Nátıjesinde ıývenaldy polıtseıler jasóspirim qyzdyń elordada júrgenin anyqtady.

Ol elordalyq áriptesteriniń kómegimen kámeletke tolmaǵandardy beıimdeý ortalyǵyna ornalastyrylǵan.

«Byltyr kámeletke tolmaǵandar arasynda habar-osharsyz ketýdiń 84 deregi tirkeldi. Onyń barlyǵy ata-anasyna aman-esen tapsyryldy. Osyǵan oraı polıtsııa qyzmetkerleri ata-analarǵa balalaryna degen baqylaýdy jáne jaýapkershilikti kúsheıtýdi suraıdy», - dedi Qyzylorda oblysy polıtsııa departamentiniń bastyǵy Bektóre Sultan.

Eske salsaq, budan buryn Qyzylordada polıtsııa kıimin kıgen jumysshynyń kim ekeni anyqtaldy.