Qyzylordada jastarǵa qyzmet kórsetý ortalyǵy ashylady

QYZYLORDA. QazAqparat - Syr óńirinde jastarǵa qyzmet kórsetý ortalyǵy ashylady. Bul elimizde jarııalanǵan Jastar jyly aıasynda júzege asady, dep habarlaıdy QazAqparat tilshisi.

Jastar jylynda Qyzylorda oblysynda birqatar sharalar ótkizý josparlanyp otyr. Jastarǵa qyzmet kórsetý ortalyǵy qurylysy byltyrdan bastap qolǵa alyndy.

«Qyzylordada jastarǵa qyzmet kórsetý ortalyǵynyń qurylysy aıaqtalýǵa jaqyn. Ol jańadan boı kótergen Syrdarııa ózeniniń sol jaǵalaýynda ornalasqan. Bul nysan Jastar jyly aıasynda paıdalanýǵa beriletin bolady. Ortalyq oblys jastaryna bir tereze qaǵıdaty boıynsha qyzmet kórsetedi. Ony salý jumysynda memlekettik-jekeshelik áriptestik tetikterin paıdalanylǵan», - dedi Qyzylorda oblystyq jastar saıasaty máseleleri basqarmasynyń basshysy Qýanysh Januzaqov.

Mamyrda oblystyq aýyl jastarynyń sleti uıymdastyrylady. Onan soń Qarmaqshy aýdanynda túrki tildes elder jastarynyń halyqaralyq festıvali, sondaı-aq Qambash kólinde «Jas Otan» jastar qanatynyń respýblıkalyq tynyǵý lageri uıymdastyrylady.

Sondaı-aq, qala men aýdandardan «Jastar saraıy» jáne «Jastar alleıasy» ashylmaq.Munan soń, «Ulttyń básekege qabilettiligi - jastardyń zamanaýı biliminde» TEDh formatyndaǵy respýblıkalyq forýmy, «Hack Day» jáne «HARDATHON» baıqaýlary ótkiziledi.