Qyzylordada jastarǵa Qorqyt ata murasy nasıhattaldy

QYZYLORDA. QazAqparat - Qyzylorda oblystyq tarıhı-ólketaný mýzeıinde «Qorqyt murasy - túrki rýhanııatynyń temirqazyǵy» atty dóńgelek ústel ótti, dep habarlaıdy QazAqparat tilshisi.

Atalmysh ıgi shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda uıymdastyryldy.

Dóńgelek ústelge oblystyq «Rýhanı jańǵyrý» ortalyǵynyń bólim basshysy Serikbaı Qosanov jáne tarıhshy muǵalimder, joǵary oqý oryndarynyń stýdentteri men magıstranttary qatysty. Dóńgelek ústelge qatysýshylar túrki halqyna ortaq tulǵa - Qorqyt murasyn nasıhattaý máselesine nazar aýdardy. Atalmysh shara barysynda Qorqyt ata muralarynyń ıÝNESKO-nyń materıaldyq emes mádenı muralar tizimine engendigi aıtyldy. Bul oraıda Syr ǵalymdarynyń zertteý eńbekteri men naqty dálel-dáıekteri halyqaralyq uıymnyń arnaıy komıssııasyna usynylǵan.

«Tarıhı derekterde Qorqyt ata qobyzǵa alǵash til bitirgeni aıtylady. Sol arqyly abyz jahandaǵy jaratylys ataýlynyń únin kúı etip sóıletken. Babadan balaǵa mıras bolǵan ulttyq ónerdiń atasy - Qorqyt ata murasy urpaq tárbıeleýde úlken mańyzǵa ıe», - dedi oblystyq «Rýhanı jańǵyrý» ortalyǵynyń bólim basshysy Serikbaı Qosanov.

Budan buryn Qyzylordadaǵy kórkemsýret galereıasy jańa týyndylarmen tolyqty.