Qyzylordada jas jubaılar muqtaj otbasylarǵa qaıyrymdylyq jasady

ASTANA. QazAqparat - Búgin Qyzylorda qalalyq «Aıtbaı» meshitinde aq nekelerin qıdyrǵan Tólebı Esenjoluly men Nurbaný Abyzqyzy qarjylaryn kortejge emes, qaıyrymdylyqqa jumsap, ıgi istiń ónegesin kórsetti, dep habarlaıdy QazAqparat.

Qaıyrymdylyq sharasy týraly qalalyq meshittiń naıb ımamy Qaıyrbek Otyzbaev Feısbýktegi paraqshasynda jazdy.

«Bıylǵy jyldy Bas múftı Serikbaı qajy Oraz hazret «Islam jəne otbasy jyly» dep jarııalaǵan bolatyn. Ondaǵy maqsaty - jas otbasylarǵa januıanyń qundylyǵyn túsindirip, otbasy yntymaǵyn arttyrý bolatyn. Mine, osyǵan amal jasap jatqan qos jup Alla úıinde nekelerin qıyp qana qoımaı, Sizderge aıtarlyqtaı qaıyrymdylyq kómegin kórsetýde», - dedi aldymen sóz alǵan meshittiń bas ımamy Nurjan Pirəliuly.

Jas jubaılar shyn júrekten «Júrek jylýy» qaıyrymdylyq sharasy aıasynda jeti birdeı otbasyǵa azyq-túlik paketterin óz qoldarymen úlestirdi.

«Meshit aqsaqaly men muqtaj jandar jas jubaılarǵa aq batalaryn aıtyp, sheksiz rızashylyqtaryn bildirdi», - delingen jazbada.