Qyzylordada jappaı tóbeles bolyp, 8 adam ustaldy

QYZYLORDA. QazAqparat - Qyzylorda oblysynda kóshedegi tóbelesten keıin polıtsııa bólimine 8 adam jetkizildi, dep habarlaıdy QazAqparat tilshisi.

Oqıǵa 26 naýryzda saǵat 2.00 shamasynda Qazaly aýdanynyń ortalyǵy Áıteke bı kenti Pirimov kóshesiniń boıynda boldy. Polıtsııa bólimine er azamattardyń aıqaı-shý shyǵaryp, buzaqylyq jatqandyǵy týraly habarlama túsken.

«Tóbeleske qatysty degen 8 adam polıtsııa bólimine jetkizildi. Oqıǵa boıynsha qalǵan azamattardy anyqtaý baǵytynda tıisti sharalar júrgizilýde. Zardap shekkender joq. Polıtsııaǵa shaǵym túsken joq», - dep málim etti Qyzylorda oblystyq polıtsııa basqarmasynan.

Vedomstvo málimetinshe,bul boıynsha tergeý áreketi júrgizilýde. Aýdan aýmaǵynda qoǵamdyq tártipti qamtamasyz etý maqsatynda patrýldik polıtsııa men ýchaskelik ınspektorlardyń narıadtary kúsheıtilgen.