Qyzylordada jappaı ereýil kezinde lombardtan 125 altyn saqına urlaǵandar ustaldy

QYZYLORDA. QazAqparat - Qyzylorda qalasynda jappaı tártipsizdik kezinde​ lombardqa urlyqqa túsip, qomaqty kólemde materıaldyq shyǵyn keltirgen eki adam qolǵa tústi, dep habarlaıdy QazAqparat tilshisi.

Qyzylordada jappaı tártipsizdik kezinde​ belgisiz adamdar toby​ qala ortalyǵyndaǵy lombardtardyń birine urlyqqa túsken.

«Bul maqsatta oblystyq polıtsııa departamenti Krımınaldyq polıtsııa basqarmasynyń qyzmetkerleri izdestirý jumystaryn júrgizdi. Nátıjesinde qylmysqa kúdikti retinde oblys ortalyǵynyń eki turǵyny qolǵa tústi. Olardan aıǵaq zat retinde urlanǵan altyn buıymdar tárkilendi. Onyń ishinde 125 altyn saqına, 22 altyn alqa, 7 altyn bilezik, 3 altyn saǵat,​ 1 úlkeıtkish áınek​ jáne noýtbýk​ bar», - dep málim etti Qyzylorda oblystyq polıtsııa departamentiniń baspasóz qyzmetinen.

Vedomstvo málimetinshe, atalǵan derek boıynsha QR Qylmystyq ​ ​ kodeksiniń​ 188-babynyń 4-bóligimen sotqa deıingi tergeý amaldary júrip jatyr.

Oqıǵanyń basqa da mán-jaıy anyqtalýda.

Eske salsaq, budan buryn jappaı tártipsizdik kezinde uıaly telefon aksessýarlaryn urlaǵan qyzylordalyq ustaldy