Qyzylordada janashyr jandar kópbalaly anaǵa baspana alyp berdi

QYZYLORDA. QazAqparat - Qyzylorda oblysy Syrdarııa aýdanynyń ortalyǵy - Tereńózek kentinde janashyr azamattar kópbalaly ana Raıkúl Balmahanovaǵa jańa turǵyn úıdiń kiltin tabys etti, dep habarlaıdy QazAqparat tilshisi.

Bul ıgilikti is «Hıkmet» qaıyrymdylyq qorynyń qoldaýymen júzege asty. Qaıyrymdylyq qorynyń ókilderi kópbalaly ananyń Ádııa esimdi qyzynyń em alýyna da qajetti qarjynyń sertıfıkatyn usyndy.

Qýanyshty bólisýge aýdandyq ardagerler keńesiniń tóraǵasy Haırýlla Ábenuly, qaıyrymdylyq qordyń basshysy Azamat Bolatbek keldi.

«Bizdiń qordyń jumys bastaǵanyna kóp ýaqyt óte qoıǵan joq. Soǵan qaramastan kóptegen turmysy tómen otbasyna qol ushyn soza aldyq. Búgingi kúnge deıin Qyzylorda qalasy men elimizdiń birqatar óńirinde baspanaǵa muqtaj otbasylarǵa turǵyn úı tartý ettik. Sondaı-aq, tórt kisige shetelde emdelýge qarjy berdik. Qashanda jabyrqaǵannyń janynan tabylyp, súringenge demeý bolý – qazaq halqynyń boıyndaǵy asyl qasıettiń biri emes pe?», - deıdi qaıyrymdylyq qordyń tóraǵasy Azamat Bolatbek.

Budan buryn Qyzylordada baspanasyz jalǵyzbasty anaǵa aýyldastary úı alyp bergen edi.

Sondaı-aq, Qyzylordada volonterler muqtaj otbasylarǵa úshinshi baspana salyp jatyr.