Qyzylordada jańa qalalyq emhana paıdalanýǵa beriledi
18:03, 29 Qyrkúıek 2017
QYZYLORDA. QazAqparat - Oblystyń densaýlyq saqtaý salasynda memlekettik-jekeshelik áriptestik sheńberi aıasy keńeıip keledi. Jyl aıaǵyna deıin MJÁ alǵashqy jemisi kórinbek. Qyzylorda qalasynda temir joldyń soltústik aımaǵy turǵyndary úshin 400 kelýshige arnalǵan №2 qalalyq emhana paıdalanýǵa beriledi. Bul týraly QazAqparat tilshisi oblystyq densaýlyq saqtaý basqarmasyna silteme jasap habarlady.
Al aldaǵy jyldary, quny 2 mlrd. teńgeden astam qarjyǵa, Syrdarııa aýdanyndaǵy Aqjarma dárigerlik ambýlatorııasy, Aral aýdany Bekbaýl dárigerlik ambýlatorııasy, Qazaly aýdany Órkendeý dárigerlik ambýlatorııasy, Qyzylorda qalasy Tasbóget kentindegi aýysymyna 250 kelýshige arnalǵan emhanany salý jobasy josparlanyp otyr.
Esterińizge sala keteıik, Elbasynyń «Bes ınstıtýtsıonaldyq reformany júzege asyrý jónindegi 100 naqty qadam» Ult josparynyń 81-qadamynda jekemenshik medıtsınany damytý, medıtsınalyq mekemelerge korporatıvtik basqarýdy engizý, memlekettik medıtsınalyq uıymdardy jekeshelendirýdi yntalandyrý, memlekettik emes uıymdar arqyly tegin medıtsınalyq kómektiń kepildendirilgen kólemin berýdi keńeıtý maqsaty qoıylǵan bolatyn.