Qyzylordada jańa ǵımarattar paıdalanýǵa berildi
Baspanaly bolǵan 60 otbasy qonys toıyn toılady. Bul úılerde UOS ardagerlerine teńestirilgen kisiler, olardyń jesirleri, basqa da áleýmettik top ókilderi turady.
Sonymen qatar «Syrdarııa» móltekaýdanynda 30 páterlik turǵyn úı iske qosyldy. Qyzmettik turǵyn úıdiń qurylysyna jergilikti bıýdjetten 169,1 mln teńge qarjy bólingen.
Sonymen birge «Jumyspen qamtý - 2020» baǵdarlamasy boıynsha 60 páterli turǵyn úı paıdalanýǵa berilip, oǵan ekonomıkalyq áleýeti tómen aýyldardyń adamdary qonystandy. Úı qurylysyna 252,0 mln teńge qarajat bólinip, qosymsha ınjenerlik ınfraqurylymyna 72,0 mln teńge qarjy jumsaldy.
«Balapan» baǵdarlamasyn júzege asyrý jáne bóbekterdiń balabaqsha qajettiligin qamtamasyz etý maqsatynda 280 oryndyq «Syr erkesi» balabaqshasy da paıdalanýǵa berildi.
Medıtsına salasynyń mamandaryna arnalǵan 50 páterlik qyzmettik turǵyn úı paıdalanýǵa berildi.Mundaǵy negizgi maqsat- joǵary mamandandyrylǵan kómek kórsetetin jáne joǵary tehnologııaly medıtsınalyq qural-jabdyqtarda qyzmet atqaratyn, ortalyqqa asa qajetti jáne joǵary tehnologııalyq qural jabdyqtardy ıgerýshi mamandar men ortalyq úshin asa qajetti medıtsına mamandaryn Syr eline tartý. Turǵyn úı qurylysyna jergilikti qazynadan 365,0 mln teńge qarjy bólindi. Ondaǵy eki bólmeli páterler úı jıhazdarymen tolyqtaı jabdyqtalǵan.
Talsýat eldi mekeninde 150 tósektik múgedekterdi ońaltý mekemesi ashyldy. Bul jerde 1 jáne 2 top múgedkterine, egde jasyna baılanysty ózine qyzmet kórsetýge múmkindigi joq adamdarǵa áleýmettik qyzmet kórsetiledi.Ortalyq ǵımaraty eki qabattan turady jáne 8 blokqa bólingen. Ǵımarat joǵary sapaly zamanaýı medıtsınalyq jáne óndiristik qural-jabdyqtarmen jabdyqtalǵan. Osy eldi mekende respýblıkalyq bıýdjet qarjysy esebinen aqyl-esi kem balalarǵa arnalǵan ınternat úıi ashyldy. 200 orynǵa laıyqtalǵan áleýmettik nysanda qamkóńil jandarǵa medıtsınalyq-psıhologııalyq kómek kórsetýge barlyq jaǵdaılar jasalǵan.
Alashtyń tuńǵysh astanasy bolǵan Qyzylorda qalasy da búgingi el ómirindegi eleýli kúnge aıryqsha daıyndyqpen kelip otyr. Qala ortalyǵynda «Jasóspirimder» úıi boı kóterip, paıdalanýǵa berildi. Úıdiń qurylysyna oblystyq bıýdjetten 30,0 mln teńge qarjy bólindi. Bul jerge balalar úıinen jasy jetip shyqqan jasóspirimder qonystanatyn bolady.
Tasbóget kentinde 18 páterlik arendalyq turǵyn úı iske qosyldy.«Qoljetimdi baspana» baǵdarlamasy aıasynda salynǵan turǵyn úıge arendalyq turǵyn úı kezeginde turǵan otbasylar qonystandy. Bas merdiger «Qyzylorda Trast» JShS-i. Nysan qurylysyna - 135,1 mln teńge qarjy jumsaldy.
Jyldyń sońyna deıin qalada osy syndy №2,3,4 arendalyq úıler, Abaı skveri, sý súzgi stansasy paıdalanýǵa beriledi dep kútilýde.