Qyzylordada zańsyz oıyn bıznesin uıymdastyrǵan almatylyq áıel jazaǵa tartyldy
Almatylyq áıel Qyzylorda qalasynda oıyn uıymdastyrǵan. Bul maqsatta Qazybek bı kóshesinen kóp qabatty úıden bólmelerdi jalǵa alǵan. Ol birneshe aı zańsyz oıyn oınatyp, iri kólemde paıda tapqan. Atalǵan zańsyz isti Qyzylorda oblysy boıynsha ekonomıkalyq tergep-tekserý departamentiniń qyzmetkerleri anyqtady.
«Tıisti mamandar býhgalterlik jáne qarjy-bıýdjettik saraptamalar júrgizdi. Nátıjesinde zańsyz oıyn bıznesinen onyń 8 mln 190 myń teńge tapqany belgili boldy. Azamatsha Ý.A. QR Qylmystyq kodeksiniń 307-baby 2-bóligi 3-tarmaǵymen 2 jyl merzimge bas bostandyǵyn shekteý jazasyna kesildi», - dep málim etti Qyzylorda oblysy boıynsha ekonomıkalyq tergep-tekserý departamentinen.
Eske salsaq, budan buryn Qyzylordada 274 mln teńgeniń ónimin zańsyz tasymaldaǵan kásipker shartty túrde sottaldy.