Qyzylordada zamanaýı úlgidegi elektr stantsııasy salynady
21:58, 28 Shilde 2022
QYZYLORDA. QazAqparat - Qyzylordalyqtar úshin elektr energııasy ózekti máselelerdiń qatarynda. Buǵan deıin de aımaqtaǵy elektr jelileriniń tozyǵy jetkendigi, qolaısyz aýa raıynyń saldarynan jaryqsyz qalý jaǵdaılary tirkelgen bolatyn. Osy máseleni nazaryna alǵan oblys ákimi Nurlybek Nálibaev zamanaýı úlgidegi elektr stantsııasyn salýdy tapsyrdy, dep habarlaıdy QazAqparat.
Osy maqsatta, energetıka mınıstrligimen birlesken jumystar jasaldy. Nátıjesinde jýyrda quny 215 mlrd teńge bolatyn jańa elektr stantsııasynyń qurylysy bastalmaq.
Infraqurylymdyq nysan qurylysyn aýktsıondyq saýda-sattyq qorytyndysy boıynsha túrik kompanııasy «Aksa Enerdjı Ýretım Anonım Shırketı» aktsıonerlik qoǵamy júrgizedi. Merdiger mekeme bý-gaz qondyrǵysyn jyl aıaǵynda bastap, 2025 jyly el ıgiligine paıdalanýǵa beredi degen jospar bar. Qýattylyǵy 240 megavatqa jetetin jańa nysan energııa jetispeýshiligin edáýir tómendetedi dep eseptelip otyr.