Qyzylordada Volonter jyly aıasynda forým ótti
Forým aıasynda jastar kóptegen jobalardy eldiń nazaryna usyndy. Solardyń biri - №38 orta mektep oqýshysy Mádı Bıjan «Taza álem» jobasymen turmystyq qaldyq ónimderin jınaý arqyly tazalyqqa beı-jaı qaramaıtyn volonterlar tobynyń jumysy jóninde aıtyp berdi. Al Dıdar Ómirzaq «Qaýipsiz jol» aktsııasy negizinde, Arýjan Nuradın «Saýlyq» baǵyty boıynsha densaýlyq saqtaý salasymen birlesip jasalyp jatqan «Salaýatty ómir saltyn saqtaıyq» aktsııasy jaıynda áńgimeledi.
Aýdanda №201 mektep-lıtseıide Názııa Erkinqyzy basshylyq jasaıtyn volonterlar toby oqýshylar qolynan jasalǵan qolóner buıymdarynan kórme uıymdastyryp, odan túsken qarjyǵa erekshe bilimdi qajet etetin oqýshylardyń týǵan kúnine, merekelik qaıyrymdylyq jasaýǵa mán beredi. Sondaı-aq, tótenshe jaǵdaılar, orman sharýashylyǵy mekemelerimen birlesip qaýipti aımaqtarǵa belgiler uıymdastyryp kele jatqan volonterlar toby atynan T.Júrgenov atyndaǵy №123 mektep-lıtseı oqýshysy Inabat Tynyshtyqbaı sóz sóılep, beın-rolık arqyly júrgizilgen jumystaryn kórsetti.
Forýmda aýdan ákimi Qaıratbek Sársenbaev, oblystyq bilim basqarmasynyń tárbıe jáne ózin-ózi taný bóliminiń basshysy Mádı Bekmaǵanbetov sóz sóılep, belsendi jastarǵa sáttilik tiledi. Forým sońy Volonterlar jylynyń estafetasyn Jalaǵash aýdanynan Syrdarııa aýdanyna tabystaýymen qorytyndylandy.
Budan buryn Qyzylordada «Kómek eriktileri» klýby qurylǵan edi.