Qyzylordada úıi órtenip, nárestesi kóz jumǵan otbasyna úı berildi
Esterińizge sala ketelik , oqıǵa bıylǵy jyldyń 18 aqpanynda oblys ortalyǵyndaǵy Ál-Farabı móltek aýdanynda boldy.
Oqıǵa ornyna shuǵyl jetken órt sóndirý bóliminen 3 tehnıka men 16 qyzmetker kúshimen jalyn tolyq óshirildi. Oqıǵa saldarynan 2020 jyly dúnıege kelgen náreste kóz jumdy.
Balalardyń anasy, 1993 jylǵy áıel birinshi dárejeli kómir qyshqyl gazyna ýlaný jáne sol jaq bilektiń jáne eki alaqanynyń termııalyq kúıik shalý naqtamasymen qalalyq aýrýhanaǵa jatqyzyldy. Búgingi kúni jaǵdaıy birqalypty.
Qorlardyń bastamasymen halyqtan jınalǵan qarjyǵa órt saldarynan zardap shekken Tekebaevtar otbasyna Araı móltek aýdanynan 6 bólmeli jańa jer úı berildi.
Zardap shekken kópbalaly otbasy ákimdik tarapynan, kásipkerlerdiń qoldaýymen 1 aıǵa jetetin azyq-túlik, mektep qural-jabdyǵymen qamtamasyz etildi.
Búgin oblys ákimi Gúlshara Ábdiqalyqova órt saldarynan nárestesi qaza bolǵan Tekebaevtar otbasyna baryp, kóńil aıtty.
Aımaq basshysy úı ıelerin jańa baspanamen quttyqtap, turmysqa qajetti syılyqtar tabys etti.
«Qaıǵynyń ornyn toltyrý múmkin emes. Jalpy, Syr eli úshin bul aýyr qaza boldy. Kózge kóringen balalarymyz aman bolsyn», - dedi oblys ákimi.