Qyzylordada úsh jastaǵy sábı tórtinshi qabattan qulap ketti
21:11, 06 Tamyz 2023
QYZYLORDA. QazAqparat - Qyzylorda qalasynda úsh jastaǵy sábı tórtinshi qabattan qulap ketti, dep habarlaıdy QazAqparat tilshisi.
Oblystyq tótenshe jaǵdaılar departamentine búgin, 6 tamyzda saǵat 13:06-da habarlama kelip tústi.
«Onda Baıtursynov kóshesi boıyndaǵy bes qabatty turǵyn úıdiń tórtinshi qabatynan 2020 jylǵy ul balanyń qulap ketkeni aıtylǵan. Eresekterdiń qadaǵalaýynsyz qalǵan sábı terezeden qulap ketken. Ol aýrýhanaǵa jatqyzyldy. Jaǵdaıy aýyr dep baǵalanyp otyr. Oqıǵa ornynda tótenshe jaǵdaılar departamentiniń mamany bolyp, mán-jaıdy anyqtady», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Eske salsaq, budan buryn Qyzylordada 7 jasar bala besinshi qabattan qulap ketti.