Qyzylordada úsh kúnde tabıǵat qorǵaý zańnamasyn buzǵan 19 derek anyqtaldy

QYZYLORDA. QazAqparat – «Brakoner» jedel-profılaktıkalyq sharasy barysynda Qyzylorda oblysynda tabıǵat qorǵaý zańnamasyn buzǵan 19 derek anyqtady. Bul týraly oblystyq polıtsııa departamenti jergilikti polıtsııa qyzmeti basqarmasynyń basshysy Baýyrjan Ibraev málimdedi, dep habarlaıdy QazAqparat tilshisi.

«20 qazannan qarasha aıynyń 19-na deıin oblys kóleminde «Brakoner» jedel-profılaktıkalyq is-sharasy ótýde. Іs-sharanyń basty maqsaty - tabıǵat qorǵaý zańnamasyn buzýshylardy, bıologııalyq-resýrstyq obektiler men zańsyz aınalymdy anyqtaý jáne olardyń jolyn kesýge baǵyttalǵan. Júrgizilgen reıd barysynda polıtseıler 3 kúnde tabıǵat qorǵaý zańnamasyn buzǵan jalpy 19 derekti anyqtady. Onyń ishinde, janýarlar dúnıesin paıdalaný jáne ań aýlaý qaǵıdatyn buzǵan 10 derek áshkere boldy. Balyq aýlaý jáne basqa da sý janýarlaryn qorǵaý qaǵıdatyn buzýdyń 5 deregi tirkeldi», - dep málim etti Baýyrjan Ibraev.

Aıta keteıik, Qazaqstan Respýblıkasynyń zańnamasyna sáıkes, atalǵan baǵyttaǵy zań buzýshylyq áreketter úshin ákimshilik nemese qylmystyq jaýapkershilik qarastyrylǵan.