Qyzylordada túıe sútin óńdeıtin zaýyt salý múmkindigi qarastyrylyp jatyr

QYZYLORDA. QazAqparat - Oblys ortalyǵynda táýligine 3 tonna et ónimderin óndiretin fabrıka qurylysy, Syrdarııa aýdanynda 5 myń bas qoı ósirýge arnalǵan keshen jáne 10 myń bas malǵa arnalǵan bordaqylaý alańy men jyldyq qýaty 250 tonna bolatyn et kombınatynyń qurylysy júrýde.

Bul nysandardy jyl sońyna deıin paıdalanýǵa berý josparlanǵan. Bul týraly oblys ákimi búgin jýrnalıstermen ótken brıfıng kezinde aıtyp berdi.

Qytaı ınvestorlarymen birge Qyzylorda qalasynda túıe sútin óńdeıtin zaýyt qurylysyn salý múmkindigi qarastyrylýda. Nysannyń qurylysyna qajetti qujattar daıyn.

Qazaqstan men Qytaı Halyq Respýblıkasy arasyndaǵy úkimetaralyq kelisim sheńberinde Jańaqorǵan aýdanynda tomat pastasyn óndirý keshenin qurý jobasy júzege asyrylýda.

Búgingi tańda, qyzanaqtyń ońtaıly túrin anyqtaý úshin qytaılyq ınvestorlarmen («Sofco» kompanııasy) birlese otyryp 2 gektar jerge tomattyń túrli sorttary egilip, eksperıment jumystary bastalyp ketti. Al keler jyldan bastap bul tájirıbe 4 myń gektar jerge deıin ulǵaıyp, buıyrsa jyldyq qýaty 15 myń tonna bolatyn tomat óndirý zaýyty iske qosylady.

«Aýyl sharýashylyǵy kooperatıvteri týraly» zańdy júzege asyrý maqsatynda oblysta 26 aýylsharýashylyq kooperatıvteri quryldy.