Qyzylordada tutynýshylar quqyǵyn qorǵaýǵa baılanysty túsetin shaǵym 30,4 esege kóbeıgen

QYZYLORDA. QazAqparat - Qyzylorda oblysynda bıyl tutynýshylar quqyǵyn qorǵaý departamentine 120 aryz-shaǵym túsken. Bul ótken jylmen salystyrǵanda 30,4 esege kóp, dep habarlaıdy QazAqparat tilshisi.

Aryz-shaǵymnyń kóbisi turmystyq qyzmet, turǵyn úı kommýnaldyq sharýashylyǵy, qoǵamdyq tamaqtaný, bólshek saýda salasyna qatysty bolyp otyr.

Quzyrly organga túsken ótinishterdiń 76-syna jaýap berilgen. Sondaı-aq, 22-sine túsindirý jumysy júrgizilip, 21-i basqa memlekettik organǵa joldanǵan. Nátıjesinde tutynýshylarǵa tıisti qarajattar qaıtarylǵan.

«Elimizde tutynýshynyń quqyǵy zańmen qorǵalady. Naýryz aıynda tutynýshylardyń quqyqtaryn qorǵaý maqsatynda «Ashyq esik kúni» ótkizildi. Onda halyqqa taýardyń sapasyna kóńili tolmasa aqshany qaıtaryp alýǵa múmkindikteri bar ekeni aıtyldy. Dál sol jerden satyp alǵanyńyzdy dáleldeý úshin qolyńyzda qujattar (fıskaldy chek nemese taýar chegi, túbirtek) bolýy tıis. Sol kezde ǵana taýardyń aqshasyn qaıtarasyz nemese basqasyna aýystyryp alýyńyzǵa múmkindik bolady. Árkez tutynýshy óz quqyǵyn bilýi tıis», - dedi Qyzylorda oblysy boıynsha tutynýshylardyń quqyqtaryn qorǵaý departamentiniń basshysy Erqasym Súleımenov.

Eske salsaq, budan buryn Ońtústik Koreıaǵa vıza jasap berem dep 5 adamdy aldaǵan qyzylordalyq áıel ustaldy.