Qyzylordada túrmege palaý arasyna 3 telefon jasyryp ótkizbek bolǵan adam ustaldy
Qyzylordada ZK-169/1 mekemesiniń sálem-saýqatty qabyldaý bólmesinde ystyq taǵam arasyna birneshe uıaly telefon salyp ótkizbek bolǵan azamat ustaldy.
«Ol atalǵan mekemede qamaýda otyrǵan aıyptalýshy 28 jastaǵy tanysyna sálem-saýqat ákelgen. Sottalýshy QR Qylmystyq kodeksiniń 293-babynyń 3-bóligi boıynsha jazasyn óteýde. Sálem-saýqatty tekserý barysynda palaýdyń ishinen úsh telefon jáne bir qýattaǵysh, úsh SIM-karta tabyldy», - dep málim etti Qyzylorda oblysy boıynsha qylmystyq-atqarý júıesi departamentinen.
Vedomstvo málimetinshe, atalǵan derek boıynsha QR Ákimshilik quqyq buzýshylyq týraly kodeksiniń 481-babyna sáıkes ákimshilik materıaldar jınalyp, sotqa jiberildi.
Onda qylmystyq-atqarý júıesiniń mekemelerinde, arnaýly mekemelerde ustalatyn adamdarǵa tyıym salynǵan zattar, buıymdar men nárseler berý jaǵdaıy kórsetilgen.
Eske salsaq, budan buryn ózi týǵan balany kósheden taýyp aldym degen qyzylordalyqtyń ústinen is qozǵaldy.