Qyzylordada turǵyndardyń 86 paıyzy koronavırýsqa qarsy vaktsına saldyrdy
Koronavırýsqa qarsy vaktsınany ýaqytyly saldyrýdyń arqasynda Qyzylorda oblysy «jasyl» aımaq statýsyn saqtap keledi. Oblys ákimi Gúlshara Ábdiqalyqova jýrnalıstermen bolǵan baspasóz máslıhatynda vaktsınatsııalaý qarqyny jáne Pfizer ekpesin salýǵa daıyndyq máselelerin tilge tıek etti.
«Oblys «jasyl aımaqta» bolǵanyna qaramastan, koronavırýs ınfektsııasyn tejeý negizgi baǵyttardyń biri bolyp qalýda. Jyl basynan beri egý kabınetteriniń sany 34-ten 106-ǵa deıin artty.Úı jaǵdaıynda qyzmet kórsetetin 39 mobıldi, 167 monıtorıngtik top jumys jasaýda. Búgingi kúni vaktsınatsııalaýǵa jatatyn oblys turǵyndarynyń birinshi komponentin 86,2%, ekinshi komponentin 72,5 % alǵan. Pfizer vaktsınasynyń 23 400 dozasy jetkizildi. Vaktsınany saqtaý úshin 2 dana ýltra tómen tońazytqysh alynyp, barlyq salqyndyq tizbegi saqtalýda. 15 qarasha kúni vaktsınatsııalaý jumystary bastaldy, - dedi Gúlshara Ábdiqalyqova.
Óńirde dári-dármek máselesinde aıtarlyq problema joq. Turǵyndardyń densaýlyǵy úshin qajetti dáriniń 2 aılyq qory saqtalǵan. Bul úshin jergilikti bıýdjetten 488 mln teńge bólindi. Qazirgi tańda aımaqtaǵy 17 mekemege 1 paıyz mólsherlememen bir jylǵa nesıe berilgen. Óńirdegi medıtsınalyq mekemeler men dárihanalarda qorǵanysh kıimderi men dári-dármekterdiń tapshylyǵy joq. Shalǵaı aýyldardaǵy dárihanalarda medıtsınalyq preparattardyń qajetti kólemi de jetkilikti.
Al, statsıonarlarda koronavırýs ınfektsııasynan naýqastardy emdeýge 720 mln teńgege dárilik zattar men medıtsınalyq maqsattaǵy buıymdar satyp alynǵan.