Qyzylordada turǵyn úıdegi órtten Ózbekstan azamaty kúıip qaldy

QYZYLORDA. QazAqparat - Qyzylorda qalasynda turǵyn úıde bolǵan órtten ózbekstandyq 39 jastaǵy azamat birinshi dárejeli kúıik alyp, aýrýhanaǵa jetkizildi, dep habarlaıdy QazAqparat tilshisi.

Oqıǵa búgin, 19 sáýirde saǵat 10.58-de Qyzylorda qalasy, ıAnshın kóshesi boıyndaǵy turǵyn úıde boldy.

Gazdy aýa qospasynyń jylystaýynan sońy órtke ulasty.

«Turǵyn úıdiń 182 sharshy metr aýmaǵy qırap, órt 60 sharshy metr bolatyn ýaqytsha qurylys alańyna kóshti. Oqıǵa ornynda 1984 jylǵy ózbekstandyq azamattyń beti, qoly, moıny kúıip qalǵan. Ol birinshi dárejeli kúıik dıagnozymen qalalyq aýrýhanaǵa jetkizildi», - dep málim etti Qyzylorda oblystyq tótenshe jaǵdaılar departamentinen.

Órt saǵat 12.09-de tolyq sóndirildi. Ottyń shyǵý sebebi anyqtalyp jatyr.

Oqıǵa ornynda Qyzylorda oblysy tótenshe jaǵdaılar departamentinen 25 qyzmetker jáne 5 tehnıka jumys atqardy.

Eske salsaq, budan buryn Qyzylordada turǵyn úıdegi órtten 48 jastaǵy er adam qaza tapqan edi.