Qyzylordada toıda aýaǵa oq atqan jigitten qarý tárkilendi
04:08, 29 Tamyz 2022
QYZYLORDA. QazAqparat - Qyzylordada qarýǵa uqsas zatpen aýaǵa oq atqan 21 jastaǵy azamattan Reseıde jasalǵan qarý tárkilendi, dep habarlaıdy QazAqparat tilshisi.
Budan buryn habarlaǵanymyzdaı, áleýmettik jelide Qyzylorda qalasynda toıda belgisiz azamattyń qarýǵa uqsas zatpen aýaǵa oq atqan beınejazbasy jarııalandy. «Jedel izdestirý sharalarynyń nátıjesinde qyzylordalyq polıtseıler 21 jastaǵy kúdiktini ustady. Odan Reseıde jasalǵan qarý jáne oq jatary aıǵaq zat retinde alyndy. Sotqa deıingi tergep-tekserý jalǵasýda. Kúdiktige qatysty bultartpaý sharasy qoldanyldy», - dep habarlady Qyzylorda oblystyq polıtsııa departamentinen.