Qyzylordada tótenshe jaǵdaıdan bolatyn ólim-jitim 21% ósken

QYZYLORDA. QazAqparat - QR Densaýlyq saqtaý mınıstri Ajar Ǵınııat Qyzylorda oblysynyń medıtsınalyq uıymdarynyń basshylarymen keńes ótkizip, halyqqa medıtsınalyq kómek kórsetýdiń negizgi baǵyttaryn talqylady, dep habarlaıdy QazAqparat.

Ótken jylmen salystyrǵanda óńirdiń densaýlyq saqtaý salasynyń birqatar negizgi medıtsınalyq-demografııalyq kórsetkishteriniń oń dınamıkasyna qaramastan, keńes barysynda emhanalar men statsıonarlar menedjmenti deńgeıinde sheshýdi, sondaı-aq jergilikti atqarýshy organdardy qoldaýdy talap etetin kóptegen problemalyq máseleler kóterildi.

Bul ana men bala densaýlyǵyn saqtaý salasynda medıtsınalyq kómekti uıymdastyrýǵa, MSAK-tyń tıimdi jumysynyń jetkiliksizdigine, profılaktıkalyq tekserý júrgizý kezinde aýrýlardyń tómen anyqtalýyna, medıtsınalyq obektilerdi tehnıkalyq jaraqtandyrýǵa qatysty.

Densaýlyq saqtaý vıtse-mınıstri Vıacheslav Dýdnık atap ótkendeı, Qyzylorda obylysynda qanaınalym júıesiniń aýrýlarynan bolatyn ólim-jitim kórsetkishi ótken jyldyń sáıkes kezeńimen salystyrǵanda 17,8% tómendegen.

Bul rette jiti mıokard ınfarktisinen bolatyn ólim-jitim sany ótken jyldyń sáıkes kezeńimen salystyrǵanda 1,4% ósti.

Jyl qorytyndysy boıynsha qaterli isikten bolatyn ólim-jitim kórsetkishi 100 myń halyqqa shaqqanda 48,3-ti qurap, 12,5%-ǵa tómendedi.

Ol óńirde jaraqattanýdan, ýlanýdan jáne jazataıym oqıǵalardan bolatyn ólim-jitim 2021 jyldyń sáıkes kezeńimen salystyrǵanda 13,3% jáne 21% óskenin atap ótti.

Foto: t.me/DenMinPR