Qyzylordada Tilder merekesin ótkizýdiń is-shara jospary bekitildi
Óńirde 5 qyrkúıek - Qazaqstan halqy tilderiniń kúni merekesin atap ótýdiń oblystyq is-sharalar jospary bekitildi. Tilder kúnine arnalǵan túrli sharalar, til janashyrlaryn marapattaýlar karantın talaptaryn saqtaı otyryp, uıymdastyrylady. Oblystaǵy joǵary jáne arnaýly orta oqý oryndary men jalpy orta bilim beretin barlyq mektepterde, mektepke deıingi mekemelerde tilder kúnine oraı ashyq sabaqtar, saıystar ótkizilip, kitaphanalarda «Týǵan tilim - tirligimniń aıǵaǵy», «Til - asyl qazyna» taqyryptarynda onlaın kitap kórmeleri kópshilik nazaryna usynylady.
«Merekege oraı Qyzylorda qalasy men aýdandarda oqıǵalar tizbesi qalyptastyryldy. Atap aıtsaq, Qyzylorda qalasynda «Tilim – tiregim», Qyzylorda – júregim» atty oblystyq jazba aqyndar músháırasy men kórkemsóz oqý sheberleriniń qalalyq baıqaýy bolady. Al Aral aýdanynda «Til – tatýlyq pen dostyqtyń tiregi» atty aýdandyq onlaın músháırasy jáne «Ana tilim – máńgilik boı tumarym» baıqaýy, Qazaly aýdanynda «Ahmet Baıtursynuly – qazaq til biliminiń negizin qalaýshy» ǵylymı-tanymdyq konferentsııasy men «Týǵan tilim – móldiregen tunyǵym» taqyrybynda onlaın jyr keshi ótkiziledi. Sondaı-aq, Qarmaqshy aýdanynda «Týǵan tilim – tirligimniń aıǵaǵy» atty jazba aqyndar músháırasy, Jalaǵash aýdanynda «Alash zııalylary jáne qazaq tili» taqyrybynda dóńgelek ústel, «Latyn álipbıi – ult bolashaǵynyń negizi» onlaın konferentsııasy, Syrdarııa aýdanynda «Til – tatýlyq tiregi» aýdandyq festıval bolady. Shıeli aýdanynda «Tilim meniń ǵasyrlarǵa amanat» úzdik maqalalar baıqaýy, Jańaqorǵan aýdanynda «Meniń tilim – máńgilik til» jazba aqyndar músháırasy jáne taǵy basqa sharalar ótkiziledi», - dedi oblystyq ishki saıasat basqarmasy basshysy Mıra Qazbekova málimdedi..
Jalpy, memlekettik tildiń qoldanys aıasyn keńeıtý baǵytyndaǵy sharalar óńirde tek qana tilder merekesi qarsańynda ǵana emes, jyl boıy júrgiziledi.