QYZYLORDA. QazAqparat - Qyzylorda qalasyndaǵy A.Toqmaǵambetov atyndaǵy mádenıet úıinde jyrshy-termeshilerdiń kontserti ótti, dep habarlaıdy QazAqparat tilshisi.
«Ataly sózden al keńes» atty mádenı shara Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy jáne «Uly dalanyń jeti qyry» atty maqalasy aıasynda uıymdastyryldy.
Kontsertte Sholpan Bımbetova, Aqmaral Noǵaıbaeva, Maıra Sársenbaeva, Rýslan Ahmetov, Kúnsulý Túrikpen, Ádilhan Qýanbaev, Marat Súgirbaı, Bısenbek Tóleýbaev sekildi jyrshy-termeshiler óner kórsetti.
Keshte «Jyr bastaý», «Jolaýshy men dana», «Qamyn oıla halyqtyń», «Shólmek», «Tórt dos», «Bir shaldyń hıkaıasy», «Ómir ótkelderi», «Jas aǵash», «Ósıet» sekildi mysal-termeler oryndaldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.