Qyzylordada tazalyq naýqanyna belsene atsalysqandar shıpajaıǵa joldama aldy
Tazalyqqa jete mán berip, týǵan jerine janashyrlyqpen qaraıtyn azamattarǵa elimizdegi tanymal shıpajaılarǵa joldama tabystalsa, aldaǵy ýaqytta tazalyǵy boıynsha úzdik atanǵan aýyldarǵa jańa saıabaq, oıyn alańy men baǵaly syılyqtar berilmek.
Dostyq úıinde ótken saltanatty is-sharada aımaq basshysy aldymen, prezıdenttik saılaý naýqanyna belsendilik tanyqtan jerlesterine alǵys bildirip, syrboıylyqtardyń aýyzbirshiligi arqasynda Qyzylorda oblysy úzdikter qatarynan kóringenin atap ótti.
«20 qarasha kúni jyldyń eń aýqymdy ári eń mańyzdy saıası oqıǵasynyń biri - Qazaqstan Respýblıkasy Prezıdentiniń kezekten tys saılaýy ótti. Qashanda aýyzbirshiligi men yntymaǵynan aınymaǵan Syr halqy eldiń bolashaǵy aıqyndalatyn syndarly sátte Qasym-Jomart Kemeluly Toqaevqa zor senim artyp, daýys berdi. Myzǵymas birligimizdiń, tatý tátti tirligimizdiń, qazaqy bolmysymyz ben jarqyn bolashaqqa degen halyqtyń zor seniminiń arqasynda saılaýǵa qatysýshylardyń sany 81,07 paıyzdy qurap, aımaǵymyz úzdikter qatarynan kórinip, respýblıka boıynsha ekinshi orynǵa turaqtady. El jańǵyrýynyń bastamasy retinde maýsym aıynda Ata Zańymyz Konstıtýtsııaǵa ózgerister engizý boıynsha ótkizilgen respýblıkalyq referendýmda da Syr jurtshylyǵy aýyzbirshiliktiń úlgisin kórsetip, Qyzylorda oblysy úzdik óńirler qatarynan kóringen bolatyn. Bunyń barlyǵy da aımaq turǵyndarynyń Memleket Basshysyna degen senimi, strategııalyq reformalaryn qoldaýynyń nátıjesi», - dedi N.Nálibaev.
Oblys ákimi syndarly kezeńde azamattyq belsendiligi jáne uıymdastyrýshylyq qabiletimen kózge túsken azamattardy Qazaqstan Prezıdentiniń arnaıy «Alǵys hatymen» marapattady.
Sondaı-aq, aımaq basshysy el Prezıdenti Qasym-Jomart Kemeluly Toqaevtyń bastamasymen qolǵa alynǵan qoǵamda ekologııalyq qundylyqtardy ornyqtyrýǵa úndeıtin «Birge: Taza Qazaqstan» aktsııasyn joǵary deńgeıde ótkizýge atsalysqan syrboıylyqtarǵa alǵys bildirdi jáne aldaǵy ýaqytta da tazalyq pen kórkeıtý - kógaldandyrý sharalaryna belsene qatysýǵa shaqyrdy.
Kúnniń ystyǵy men jeldiń ótinde tynbaı eńbek etip júrgen qarapaıym eńbek azamattaryna «Kókshetaý», «Merke», «Saryaǵash» jáne «Jańaqorǵan»emdik-saýyqtyrý shıpajaılaryna 30 joldama tabystaldy.
Odan bólek, aktsııa nátıjesimen úzdik atanǵan 7 aýyldyq okrýgke sý sorǵysy berildi.
Al, kelesi jyldan bastap konkýrs arqyly «Úzdik aýdan ortalyǵy»,«Úzdik aýyl» jáne qala ishindegi «Úzdik móltek aýdandy» anyqtalyp, jeńimpazdardy qoǵamdyq uıym ókilderi, ekobelsendiler men eriktilerden quralǵan táýelsiz komıssııa tańdaıtyn bolady.
«Úzdik aýdan ortalyǵy» nomınatsııasy boıynsha І orynǵa arnaıy jol tazalaǵysh KAMAZ jáne qaldyq tasymaldaýshy MAZ avtokóligi, assenızator men kran-manıpýlıator berilse, ІІ orynǵa qaldyq tasymaldaýshy kólik, assenızator jáne jol tazalaýshy traktor, al, ІІІ orynǵa assenızator men jol tazalaýshy traktor syıǵa berilmek.
«Úzdik aýyl» nomınatsııasyn ıelengen úsh aýylǵa da baǵaly syılyqtar tabystalady.
І oryn alǵan aýylǵa jer qazatyn traktor men samosval ZIL avtokóligi, ІІ jer qazatyn traktor men tirkeme, al ІІІ orynǵa jer qazatyn traktor beriledi.
«Úzdik móltek aýdan» nomınatsııasy boıynsha І orynǵa skver, sporttyq alańmen jaryqtandyrý jumystaryn júrgiziledi.
ІІ orynǵa abattandyrý men sporttyq oıyn alańyn salsa, ІІІ orynǵa abattandyrý jobalary syıǵa berilmek,
Kelesi jyly eldi mekenderde tazalyq, kórkeıtý jáne abattandyrý jumystarymen aınalysatyn arnaıy memlekettik kommýnaldyq kásiporyndardy quryp, olarǵa oblystyq bıýdjetten materıaldyq-tehnıkalyq bazasyn nyǵaıtýǵa qajetti tehnıkalar satyp alynady.