Qyzylordada «Táýelsizdik tartýy» telekópiri uıymdastyryldy
Bul týraly QazAqparat tilshisi habarlady.
Telekópirdiń basty maqsaty - Táýelsizdik jyldaryndaǵy oblystyń damý deńgeıin túıindep, jetistikterin saralap, óńirde júzege asyrylǵan biregeı ındýstrıaldy-ınnovatsııalyq jobalardy halyqqa tanystyrý boldy.
Qyzylorda oblysynyń damýyna serpin bergen ındýstrıaldy-ınnovatsııalyq jobalardyń qatarynda Aral aýdanyndaǵy «Araltuz» zaýyty (jobany «Araltuz» AQ prezıdenti Aıdynbek Taýasarov usyndy), Reseı Federatsııasynyń Ýlıanov oblysy Dımıtrovgrad qalasyndaǵy «Rybnyı kraı Dımıtrovgrad» balyq óńdeý zaýyty (zaýyttyń negizin qalaýshy - oblystyq máslıhat depýtaty Amanbaı Erhatov), Qazaly aýdanyndaǵy «RZA» AQ (kásiporyn vıtse-prezıdenti Nurlan Imandosov, Qazaly aýdandyq máslıhatynyń depýtaty), Jańaqorǵan aýdanyndaǵy «Shalqııa» ken orny («Shalqııa Tsınk LTD» AQ Basqarma tóraǵasy Bolat Ramazanov), Shıeli aýdanyndaǵy «Bala Saýysqandyq» ken orny («Balaýsa» fırmasy» JShS dırektory Andreı Kýznetsov) jáne Qyzylorda qalasyndaǵy Shyny zaýyty («Orda glass» JShS Basqarma Tóraǵasy Dáýren Ibrashev) bar. Spıkerler óz kásiporyndarynyń basty erekshelikterin aıta kele, telekópirge qatysýshylardy jáne barlyq qazaqstandyqtardy merekelerimen quttyqtady.
Sondaı-aq, telekópir aıasynda professor B.Káribaevtyń oblys ákimdiginiń qoldaýymen baspa júzin kórgen «Táýelsizdiktiń 25 mańyzdy oqıǵasy» atty kitabynyń tusaýkeseri ótti.
Budan bólek, saltanatty sharaǵa oblystyq qoǵamdyq keńestiń tóraǵasy Samurat Imandosov, «Nur Otan» partııasy Qyzylorda oblystyq fılıaly tóraǵasynyń birinshi orynbasary Ibadýlla Quttyqojaev, «Slavıane» mádenı-qoǵamdyq birlestiginiń tóraǵasy, Qazaqstan halqy Assambleıasynyń múshesi Galına Şerbakova jáne Baıqońyr qalasyndaǵy №277 orta mekteptiń dırektory J.Tileýqabylova qatysyp, Táýelsizdik jyldary óńirde Elbasy Nursultan Ábishuly Nazarbaevtyń qoldaýymen júzege asyrylyp jatqan oń ózgeristerdi atap ótti. Sondaı-aq qatysýshylardy Táýelsizdik kúni merekesimen quttyqtady.