Qyzylordada Táýelsizdik kúni qarsańynda 140 oryndyq balabaqsha ashyldy

QYZYLORDA. QazAqparat - Táýelsizdik merekesi qarsańynda Syr óńirinde birqatar áleýmettik jáne kásipkerlik nysandar paıdalanýǵa berildi, dep habarlaıdy QazAqparat tilshisi.

Qyzylorda qalasyna qarasty Tasbóget kentinde 140 oryndyq «Nur Orda» balabaqshasy men qala ortalyǵynda kóterme saýda marketi ashyldy.

Atalmysh sharalarǵa Qyzylorda oblysynyń ákimi Qyrymbek Kósherbaev qatysty. Aldymen Tasbóget kentiniń turǵyndaryn Táýelsizdik kúni merekesimen jáne balabaqshanyń ashylýymen quttyqtady.

«Qyzylorda qalasy boıynsha búgingi kúni  mektepke deıingi 237 bilim uıymy bar. Onyń ishinde memlekettik balabaqsha sany - 26, mektep janynan ashylǵan shaǵyn ortalyq - 6, jeke balabaqsha sany - 205. 2015 jyly 3-6 jas aralyǵyndaǵy búldirshinderdi mektepke deıingi tárbıemen qamtamasyz etýdi merziminen buryn tolyqtaı oryndadyq. Munda memlekettik-jekemenshik áriptestikti damytýdyń arqasynda úlken jumystar atqaryldy. Búgingi kúni balabaqshalardyń 71,2 paıyzy memlekettik-jekemenshik áriptestik negizinde jumys istep tur»,-dedi aımaq basshysy.

Sondaı-aq, dál osy kúni Qorqyt Ata kóshesinde kóterme saýda marketi ashyldy. Onda 12 myńnan astam taýardyń túrleri usynylyp, markette 134 adam turaqty jumyspen qamtyldy. Aıta keteıik,  jyl basynan beri oblys ortalyǵynda 67 kásipkerlik nysan ashylyp, onda 1219 jańa jumys orny qurylǵan.