Qyzylordada tártipsizdik kezinde tótenshe jaǵdaılar salasynyń ǵımarattary zaqymdalǵan joq

QYZYLORDA. QazAqparat - Qyzylorda oblysynda jappaı tártipsizdik kezinde tótenshe jaǵdaılar salasynyń jeke quramynda qaza bolǵandar jáne jaraqat alǵandar tirkelmedi. Oǵan baǵynystaǵy bólimshelerdiń ǵımarattary, tehnıkalar zaqymdalǵan joq, dep habarlaıdy QazAqparat tilshisi.

Tótenshe jaǵdaı kezinde oblys halqyn qulaqtandyrý maqsatynda 7 ret analogtyq telearnalardy paıdalaný jáne 25 halyqty qulaqtandyrý júıesin iske qosý paıdalanyldy.

Oblysta 5-6 qańtar kúnderi órtten 13 nysan zaqymdaldy. Olardyń qatarynda oblystyq ákimshilik, sot ǵımaraty, oblystyq jáne qalalyq «Nur Otan» partııasynyń ǵımarattary, 8 polıtsııa beketi (býdka), jergilikti polıtsııa qyzmetiniń garajy jáne 46 avtokólik bar», - dedi oblystyq tótenshe jaǵdaılar departamentiniń bastyǵy Rýslan Qaıraqbaev.

Atalǵan nysandarda bolǵan órtterdi sóndirýge oblystyq tótenshe jaǵdaılar departamentinen barlyǵy 33 qyzmetker, 4 órt sóndirý jáne 1 arnaıy avtokólik jumyldyryldy.

Qazirgi tańda departamenttiń qurylymdyq bólimshelerinde barlyǵy 236 qyzmetker jáne 69 tehnıka kúsheıtilgen kezekshilikte jumys jasaýda. Jeke quram arasynda jaraqat alǵandar tirkelmedi. Departamenttiń jáne oǵan baǵynystaǵy bólimshelerdiń ǵımarattary, tehnıkalar zaqymdalǵan joq.