Qyzylordada tarıhı-tanymdyq ekspedıtsııanyń ekinshi kezeńi bastaldy

QYZYLORDA.QazAqparat - Qazaqstan halqy Assambleıasynyń Qyzylorda oblystyq ókildigi Elbasynyń «Bolashaqqa baǵdar: rýhanı jańǵyrý» maqalasynda atap ótken «Qazaqstannyń kıeli jerleriniń geografııasy» jobasy aıasynda tamyz aıynda «Uly Dala eli» tarıhı-tanymdyq ekspedıtsııasyn uıymdastyrdy. Bul týraly QazAqparat tilshisi oblystyq assambleıaǵa silteme jasap habarlady.

Ekspedıtsııa óńirdiń túrli etnos ókilderine kıeli jerlerdi kórsetip, olar arqyly búkil dıasporalarǵa týǵan ólkeniń tarıhy men mol rýhanı qundylyqtary týraly bilimderin arttyrýdy kózdeıdi. 
 

Josparǵa sáıkes jobanyń alǵashqy kezeńinde ekspedıtsııa qatysýshylary Ońtústik Qazaqstan jáne Qyzylorda oblysyndaǵy Otyrar, Saýran, Syǵanaq sııaqty orta ǵasyrlyq qalalar sondaı-aq Arystanbab jáne Qoja Ahmet ıAsaýı tarıhı-mádenı eskertkishterimen tanysty. Ekspedıtsııa qorytyndysy boıynsha beınesıýjet túsirilip respýblıkalyq jáne jergilikti telearnalarda kórsetildi. Arnaıy beınerolıkter daıyndalyp, sýretterden fotoalbom ázirlendi. Qyzylorda oblystyq tarıhı-ólketaný mýzeıine jáne qaladaǵy mádenı eskertkishterge ekskýrsııalar jasaldy.


Búgin «Uly Dala eli» tarıhı-tanymdyq ekspedıtsııanyń ekinshi kezeńi bastaldy. Onyń aıasynda oblystyq batys aýdandardaǵy Jankent qalashyǵy. Jańqoja batyr kesenesi, Ǵ.Muratbaev murajaıy sondaı-aq Qorqyt Ata memorıaldyq kesheni men Sortóbe qalashyǵy sııaqty rýhanı eskertkishter tarıhymen tanysý josparlanýda. Ekspedıtsııa quramynda etnomádenı birlestik belsendileri, oblystyq assambleıa qurylymdarynyń ókilderi, sarapshylar, ǵalymdar, BAQ jáne shyǵarmashylyq zııaly qaýym, ÚEU ókilderi bar.



Bul jerde toqtalyp óter jaıt, Elbasy óziniń Ult jospary - bes ınstıtýtsıonaldyq reformany júzege asyrý jónindegi 100 naqty qadam eńbeginde tarıhı-tanym máselelerine keńinen toqtalyp ótken edi. Ondaǵy 86-qadamda: Qazaqstan halqy Assambleıasynyń «Úlken el-úlken otbasy» keń kólemde jobasyn ázirleý jáne júzege asyrýdy mindettedi. Ol qazaqstandyqtardyń birtektiligin nyǵaıtady jáne azamattyq qoǵamnyń bútindigin qalyptastyrý úshin jaǵdaı týǵyzady. Bul jumystar Qazaqstan Respýblıkasynyń týrıstik salasyn damytýdyń 2020 jylǵa deıingi tujyrymdamasyn (ishki týrızmdi damytýdy qosa eseptegende) jáne «Astana - Eýrazııa júregi», «Almaty - Qazaqstannyń erkin mádenı aımaǵy», «Tabıǵat birligi jáne kóshpeli mádenıetter», «Altaı injýleri», «Uly Jibek jolyn qaıta jańǵyrtý», «Kaspıı qaqpasy» óńirlik mádenı-týrıstik klasterlerin qurýdy júzege asyrýmen baılanystyrylady,-dedi Memleket basshysy.