Qyzylordada tamyz aıynyń 24 kúninde 4422 adam koronavırýs juqtyrdy
Óńirde tirkelgen jaǵdaıdy tarazylaǵanda qaterli indet barlyq jastaǵylar arasynda óskenin ańǵarýǵa bolady. Ótken jylmen salystyrǵanda ol 14 jasqa deıingi balalar, onyń ishinde bir jasqa deıingi sábıler arasynda ósken. Bul erekshelikter mýtatsııalanǵan «Delta» shtamynyń vırýlenttik jáne juqpalylyq qasıetteriniń joǵary bolýy saldarynan týyndaǵan. Onyń juǵý deńgeıi óte jyldam, ony tájirıbe kórsetip otyr. Sondaı-aq, aýrýdy jas ereksheligine sáıkes taldaǵanda jumyssyzdar, zeınetkerler arasynda kóbeıgeni ańǵarylady.
«Bıyl aýrýshańdyq sany naýryz aıyndaǵy merekelik kúnderden keıin kóbirek baıqaldy. Sáýir aıynda aýrý sany joǵarylady. Mundaı kórinis shilde aıynda da kórinis berip, barlyǵy 3387 jaǵdaı tirkelgen. Al tamyz aıynyń 24 kúninde 4422 adam koronavırýs juqtyrǵan. Shilde aıynyń ekinshi jartysynan bastap qaterli dertke shaldyqqandar sany kún saıyn 100 adamdy mańaılady. Aıta keterligi, 29 shildeden bastap ol 200-diń ústine shyǵyp ketti. Mundaı jaǵdaı byltyrǵy pandemııanyń kezinde bolǵan emes. Dál sol ýaqytta eń kóp aýrý tirkelgender sany 118-di qurady. Sondyqtan qazir óńirde epıdemıologııalyq ahýal óte kúrdeli», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Sondaı-aq, Qyzylorda oblysynda ekpe qabyldaýǵa qabiletti turǵyndardyń 65,9%-y vaktsına saldyrdy.