Qyzylordada talapqa saı emes taǵam ónimderi anyqtaldy
Byltyr Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti satyp alynǵan azyq-túlik ónimderine zerthanalyq saraptama júrgizgen bolatyn. Ol halyq tutynatyn taýarlardyń sapasyna monıtorıng júrgizý sheńberinde qolǵa alyndy.
«Osy maqsatta saýda oryndarynan barlyǵy 3035 azyq-túlik ónimin satyp alyndy. Onyń ishinde 986-y otandyq ónim bolsa, Eýrazııalyq ekonomıkalyq odaq (EAEO, 310-y ózge elderinen jetkizilgen. Satyp alynǵan ónimderge zerthanalyq saraptama barysynda 396 ónimnen sáıkessizdik anyqtaldy. Atap aıtqanda, olarmıkrobıologııalyq, fızıkalyq-hımııalyq, qaýipsizdik kórsetkishter boıynsha talapqa saı bolmaı shyqty. Al quramy, jaramdylyq merzimi men óndirýshisi, saqtaý sharttary týraly málimetteri múlde kórsetilmegen 156 ónim anyqtaldy. Sonymen qatar quramyndaǵy nıtrattyń sany 3 ónimde mólsherden tys bolyp shyqty», - dep málim etti Qyzylorda oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń mamany Aıman Janahaeva.
Onyń aıtýynsha, taǵam ónimderi arasynda eń kóp sáıkessizdik et, sút, kondıterlik ónimderdiń úlesine tıedi. Onyń keıbirinde tańbalaný durys bolmasa, taǵy birinde kofeın men qurǵaq qospalar normadan kóp ekeni anyqtaldy. Mundaı ónimder saýda sórelerinen alynyp, zańnamalarǵa sáıkes uıǵarymdar berildi. Jospardan tys tekserýler júrgizilip, aıyppul salyndy.
Budan buryn Qyzylordada bala densaýlyǵyna zııan keltiretin oıynshyqtar anyqtaldy.