Qyzylordada taǵy bir jasóspirim tóbeleste alǵan jaraqatymen aýrýhanaǵa jetkizildi
Oqıǵa 10 sáýir saǵat 17:35 shamasynda oblys ortalyǵynda bolǵan.
Polıtsııaǵa qala aýmaǵyndaǵy kópqabatty úılerdiń biriniń aýlasynda eki jasóspirim arasyndaǵy tóbeles týraly habar tústi.
«Tóbelesten bireýi jaraqat alyp, aýrýhanaǵa jetkizildi. Atalǵan derek QR Qylmystyq kodeksiniń 293-babynyń (buzaqylyq) boıynsha polıtsııa basqarmasynyń sotqa deıingi tergep-tekserýdiń biryńǵaı tizilimine tirkeldi. Tergeý júrip jatyr. Saraptamalar taǵaıyndaldy. Oqıǵaǵa baılanysty kúdikti jasóspirim Qyzylorda qalalyq polıtsııa basqarmasyna jetkizilip, ata-anasyna tapsyryldy», - dep málim etti Qyzylorda oblystyq polıtsııa departamentinen.
Eske sala keteıik, Qyzylorda oblysy Qazaly aýdanynda 6 sáýirde eki mektep oqýshylary arasynda janjal týyndaǵan bolatyn.
Oǵan baılanysty QR Qylmystyq kodekstiń 293-babyna sáıkes tergeý amaldary júrip jatyr.
Qazalyda oqýshyny uryp-soǵý oqıǵasyna baılanysty polıtsııa bastyǵy qyzmetinen alynady.