Qyzylordada sońǵy eki kúnde otbasylyq 6 toı toqtatyldy
Atalǵan zań buzýshylyqtar qala ákimdiginiń janynan qurylǵan monıtorıngtik toptyń qalalyq prokýratýramen birlesip júrgizgen monıtorıng jasaý barysynda anyqtaldy.
«Qazirgi tańda Qyzylorda oblysy jasyl aımaqta. Óńirde karantındik talaptar jeńildetilgen. Degenmen, birqatar shekteýler áli de jalǵasady.
Qyzylorda oblysynyń Bas memlekettik sanıtarııalyq dárigeriniń №4 qaýlysyna sáıkes, oıyn-saýyq is-sharalaryn, kórmelerdi, forýmdardy, konferentsııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar) ótkizýge bolmaıdy. Onyń ishinde úıde jáne adamdar kóp jınalatyn ózge de is-sharalardy ótkizýge, býkmekerlik keńselerdiń qyzmetine, balalardy saýyqtyrý lagerleriniń qyzmetine, merekelik korporatıvterdi uıymdastyrý men ótkizýge tyıym salynǵan», - dep málim etti Qyzylorda qalasy ákimdiginen.
Karantın talaptardyń saqtalýyn qadaǵalaý boıynsha monıtorıng jumystary turaqty jalǵasyn tabady.
Esterińizge sala ketelik, jyl basynan beri Qyzylorda oblysynda 100-ge jýyq karantın talabyn buzý deregi tirkelgen.