Qyzylordada sırek kezdesetin balyq aýlaǵandar ustaldy
Oblys kóleminde 1 jeltoqsannan bastap «Kıik» jedel-profılaktıkalyq is-sharasy ótkizilýde. Ol brakonerlikti, bıologııalyq resýrstar obektileriniń zańsyz aınalymyn anyqtaý jáne jolyn kesý maqsatynda qolǵa alynyp otyr.
Іs-shara barysynda Shıeli aýdandyq polıtsııa bóliminiń ýchaskelik polıtsııa ınspektorlary Bıdaıkól-Iirkól tas jolynda jeńil avtokólikti toqtatty. Tekserý barysynda kóliktiń júk salǵyshynan bir dana akkýmýlıator, eki qapqa salynǵan ártúrli balyq tárkilendi. Onyń ishinde sırek kezdesetin qaıaz balyǵy alynyp, tıisti saraptamalar taǵaıyndaldy. Júrgizýshi men jolaýshysy aýdandyq polıtsııa bólimine jetkizildi.
«Bul derek boıynsha QR Qylmystyq kodeksiniń 335-babynyń 3-bóliginiń 1-tarmaǵyna sáıkes sotqa deıingi tergep-tekserý áreketteri júrgizilýde. Onda janýarlardyń sırek kezdesetin jáne quryp ketý qaýpi tóngen túrlerine, sondaı-aq paıdalanýǵa tyıym salynǵan janýarlarǵa, onyń ishinde bekire tuqymdas balyq túrlerine qatysty zańsyz alý jaǵdaıy kórsetilgen», - dedi Qyzylorda oblysy Polıtsııa departamentiniń bastyǵy Sultan Bektóre.