Qyzylordada sıntetıkalyq esirtki zattaryn tasymaldaǵan almatylyq boıjetken qolǵa tústi
Qyzylorda qalasynda esirtki tasymaldaǵan almatylyq 20 jastaǵy boıjetken qolǵa tústi. Ol Qyzylorda oblysy polıtsııa departamenti Esirtki qylmysyna qarsy is-qımyl basqarmasy qyzmetkerleriniń «Qarasora-2022» jedel-profılaktıkalyq is-sharasy kezinde ustaldy. Odan zattaı dáleldeme retinde mefedron preparaty tárkilendi.
«Atalǵan derek boıynsha Qylmystyq kodekstiń 297-baby 3-bóliginiń sotqa deıingi tergep-tekserý áreketteri bastaldy. Onda asa iri mólsherdegi esirtki, psıhotroptyq zattarǵa, sol tektesterge qatysty jasalǵan esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý jaǵdaıy kórsetilgen», - dep málim etti Qyzylorda oblystyq polıtsııa departamentinen.
Vedomstvo málimetinshe, azamatsha Qyzylorda qalalyq Polıtsııa basqarmasynyń ýaqytsha ustaý ızolıatoryna qamaýǵa alyndy.
Eske salsaq, budan buryn Qyzylorda oblysynda iri kólemdegi esirtki alqaby anyqtaldy.