Qyzylordada saılaýdy beıpartııalyq baıqaý shtabynyń jetekshisi birqatar kezdesý ótkizdi
18:34, 29 Jeltoqsan 2020
QYZYLORDA. QazAqparat - Búgin saılaýdy beıpartııalyq baıqaý shtabynyń oblystaǵy ókili Jandos Tusmaǵambetov Qyzylorda oblystyq saılaý komıssııasynyń tóraǵasy Ǵalym Baımurzaevpen kezdesti, dep habarlaıdy QazAqparat.
Kezdesýge oblystyq saılaý komıssııasynyń músheleri jáne BAQ ókilderi qatysty.
Jıyn barysynda alda kele jatqan saılaý protsesin ashyq ári ádil ótkizý baǵytyndaǵy máseleler talqylandy.
Buǵan deıin saılaýdy beıpartııalyq baıqaý shtabynyń oblystaǵy ókili Jandos Tusmaǵambetov Eýropadaǵy qaýipsizdik jáne yntymaqtastyq uıymynyń baıqaýshylarymen jáne birqatar qoǵamdyq uıym jetekshilerimen saılaýaldy kezdesý ótkizip, óńirlik kommýnıkatsııalar qyzmeti alańynda brıfıng ótkizgen bolatyn.
Sondaı-aq, 5-10 jeltoqsan aralyǵynda Qyzylorda qalasy men aýdandardaǵy qoǵamdyq baıqaýshylarǵa quqyqtary men mindetterin egjeı-tegjeıli túsindiretin semınar trenıng uıymdastyrdy.