Qyzylordada saıajaıdaǵy turǵyn úıden er adamnyń máıiti tabyldy
16:11, 05 Qyrkúıek 2023
QYZYLORDA. QazAqparat – Qyzylorda qalasyndaǵy saıajaılardyń birindegi turǵyn úıden 57 jastaǵy er adamnyń máıiti tabyldy, dep habarlaıdy QazAqparat tilshisi.
Polıtsııaǵa turǵyn úıdiń birinde birneshe pyshaq jaraqatyn alǵan 57 jastaǵy er adamnyń máıiti tabylǵany jóninde habar túsken.
«Adam ólimine qatysy bar degen kúdikpen jergilikti turǵyndar ustalǵan. Atalǵan derek boıynsha QR Qylmystyq kodeksiniń 99-babynyń 2-bóliginiń 5-tarmaǵy (Adam óltirý) boıynsha is qozǵaldy. Ol boıynsha sotqa deıingi tergep-tekserý áreketteri júrgizilýde», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada kanal jaǵasyna egilgen eki esirtki alqaby anyqtaldy.