Qyzylordada sanıtarııany saqtamaǵan ashanalarǵa 1,4 mln teńge aıyppul salyndy
Bul baǵytta Qyzylorda oblysynyń sanıtarııalyq-epıdemıologııalyq baqylaý departamentiniń mamandary tekserý jumystaryn júrgizgen edi. Mamandar tarapynan taǵamdardan sanıtarııalyq-hımııalyq zertteýge alynǵan 60 synamanyń 22-si daıyn taǵam ónimderiniń qunarlyǵy talapqa sáıkes bolmaı shyqty.
«Densaýlyq saqtaý uıymdaryndaǵy, vahtalyq kentterdegi, qurylys alańdaryndaǵy, ónerkásiptik nysandardyń ashanalaryna erekshe tártip boıynsha tekserý júrgizildi. Shara barysynda ishek taıaqshalary toby bakterııalaryn anyqtaý úshin barlyǵy 170 shaıyndy alynyp, olardyń 10-ynan sáıkessizdik anyqtaldy. Al sanıtarııalyq-hımııalyq kórsetkishter boıynsha tamaq ónimderiiniń 5 synamasy belgilengen normalarǵa saı bolmaı shyqty», - dep málim etti Qyzylorda oblysynyń sanıtarııalyq-epıdemıologııalyq baqylaý departamentiniń baspasóz qyzmetinen.
Vedomstvo málimetinshe, sanıtarııalyq qaǵıdalardy buzý boıynsha jaýapty azamattarǵa QR Ákimshilik quqyq buzýshylyq týraly kodeksi 425-babynyń 1-tarmaǵyna sáıkes ákimshilik quqyq buzýshylyq týraly 25 hattama toltyryldy. Olarǵa qysqartylǵan óndiris tártibinde 1,4 mln teńge kóleminde aıyppul salyndy.
Eske salsaq, budan buryn Qyzylordada medıtsına qaldyqtaryn joıý talaptaryn buzǵandarǵa 186 aıyppul salyndy.