Qyzylordada «Samara-Shymkent» tasjolynyń bir bóligi jabyldy

QYZYLORDA. QazAqparat - Qyzylorda oblysynda aýa raıynyń qolaısyzdyǵynan «Samara-Shymkent» tasjolynyń birqatar bóliginde kólik qozǵalysyna tyıym salyndy, dep habarlaıdy QazAqparat tilshisi.

Elorda ýaqytymen 19.15- ten bastap «Samara-Shymkent» tas jolynyń 1240-1357 shaqyrymynda avtokóliktiń barlyq túri úshin qozǵalys jabyldy.

Ol Aqtóbe oblysynyń shekarasynan Aral aýdanynyń ortalyǵyna deıingi aralyqty qamtıdy.

«Oblysta aýa raıy jaǵdaıynyń nasharlaýy kórinis berip otyr. Qar aralas jańbyr jaýdy, kóktaıǵaq, qatty jel baıqalady», - dep jazylǵan oblystyq tótenshe jaǵdaılar departamenti taratqan habarlamada.

Eske salsaq, 1 qańtarda «Samara-Shymkent» tas jolynyń Aqtóbe oblysynyń shekarasynan Qazaly aýdanynyń ortalyǵy Áıteke bı kentine deıingi aralyqta jol jabylǵan edi.